Davao City – Ang pag-amping kanunay ang himuon sa mga driver sa pagmaneho sa ilang gidrayban nga dipasaheroan aron malikay sa mangilngid nga disgrasya sa kadalanan sama sa natigayon nga sunod-sunod nga road crash human nahitabo didto sa mga lugar sa Leyte, Bukidnon ug Surigao nga diin daghan nanga-angol ug dunay mga kinabuhing nakalas.
Sumala ni Romel Bajador, kanhi van driver usa sa nagdala sa operation sa Victoria Van Terminal ning dakbayan sa Davao, nga kinahanglan dili pasobrahan ang pagsakay sa van og unsay kapasidad sa unit dili pasobrahan aron dili maover loaded sagad sa hinungdan sa disgrasya.
Matud ni Bajador nga likayan sa mga driver ang pagpakusog ug padagan aron makontrola pa sa driver ang manobela sagad sa mga nadisgrasya nga kusog magpadagan sa ilang mga de pasaheroan sakyanan rason nga wala nituman sa speed limit nga gipatuman sa atong panggamhanan.
Gipasabot ni Bajador ngadto sa iyang mga kauban driver ug iyang giawhag nga gikinahanglan nga mutoman ta sa balaud sa trapiko ilabi na sa mga gitahasahan sa goberno ug angay nga erispito aron malikay sa disgrasya.
Apan alang kang Cito Torino, lumad nga taga Baganga Davao Oriental, usa ka driver sa uv express van nga nagarota sa cateel sa maong probensiya nga 30 ka tuig na ang gidugayon sa iyang pagmaniho sumala niya nga ang sikreto sa pagmaniho mao lamang paghinay-hinay sa pagpadagan ug tan-awon ang unit kun kondisyon ang makina una paman ipadagan.
RadyoMaN Don Pulayao
