Davao City – Kinahanglang personal nga sutaon kun sayron sa usa ka indibidwal ang Coronavirus Disease 2019 (COVID-19) vaccine ayha kini magpabakuna.
Matud ni Davao City Mayor Sara Duterte-Carpio nga dili angay himoong basehan nga luwas ug epektibo ang usa ka bakuna kung nagpabakuna niini ang opisyales sa gobyerno. Inay, kini masiguro’ng luwas kung kini miagi sa makuti’ng pagtuon ug aprubado sa Food and Drug Administration (FDA), ingon man pagtugot sa gobyeno niini.
“Ang measure sa safety and efficacy sa isa ka bakuna gina-conduct na siya sa mga clinical trials and kanang pag-issue sa Food and Drug Administration (FDA) og permit sa iyaha. Lisod kung ang gamiton nato nga basehan kung muingon ‘ta nga safe ang isa ka bakuna is kung nagpabakuna ang iyuhang Mayor,” tataw sa Alkalde.
Gibutyag ni Mayor Sara nga nagpadayon karon ang koordinasyon niini sa mga drug companies nga posible’ng mapalitan ug maka-supply sa gikinhanglang COVID-19 vaccine sa syudad sa Davao.
RadyoMaN Kirby Manzon
