Davao City- Child labor, child prostitution, child abuse, teenage pregnancy ug discrimination kini maoy mga sagad nga problema nga gilitok sa mga youth participants sa gihimong ‘ACTS for Children Alliance Fish Bowl Discussion’ subay sa pagsaulog sa National Children’s Month dinhi sa dakbayan karong adlawa.
Traynta ka mga kabataan gikan sa Davao City, Davao del Norte ug Davao Oriental ang nipartisipar sa maong pinasahing aktibidad.
Sa sayo nga edad namatngon si Andrea Amogod nga manginabuhi pinaagi sa pagpamaligya og gulay ug pati pagpamasura gihimo niini aron lamang makasukagod sa kinabuhi human nga wala na siyay ginikinan ug iyahang apuhan na lamang ang niatiman kaniya.
“Ang amoa lang unta is mahatagan lang kami og kahigayonan nga mutambong sa mga activity diha sa atoang lokal nga panggamhanan ug madungog ang among mga tingog ug mga rekomendasyon nga aksyonan ang among mga klase-klaseng isyu,” segun ni Amogod.
Segun ni Bernie Mondragon Executive Director sa Child Alert Mindanao ug convenor sa ACT for Children Alliance nga pinaagi mismo sa gihimong aktibidad ilang masayran ang ang mga problema sa mga kabataan nga mismo sila sa maong sektor ang niidentipika ug muhatag sa ilang mga rekomendasyon nga angayang himuon usab sa gobyerno.
“Mas maayo ning mga bata ang muistorya kay lisod na ang NGO ang muistorya o ang konsehal ang muistorya nga mao ni ang mga problema… Let the children speak nga mao ni ang ilang kahimtang,” matod ni Mondragon
RadyoMan Aimee Guinita
