Sagaynon nabungguan sang sa atubang L’ Fisher napatay

BACOLOD CITY – Nakilala na ang Miss X nga nabungguan patay kaina alas 5 sang kaagahon sa atubang sang L’ Fisher Hotel, 15th Lacson Street.

Ang biktima ang ginkilala kay Merlyn Abelarde, 39 anyos sang Campo Himogaan, Sagay City.

Ang biktima nabungguan sang Toyota Fortuner nga ginamaneho ni Inday Uychiat, residente man sang Sagay City.


Ang biktima ang gindeklara nga dead on arrival (DOA) ni Dr. Gabriel Vasquez sa Regional Hospital matapos ini nag-angkon sang pilas sa ulo.

Suno kay PO2 Eduardo, traffic investigator sang Station 2 nga ang driver sang Fortuner ang nagpabulong man sa Our Lady of Mercy Hospital matapos natrauma sa aksidente.

Nagatabok gid sa pedestrian lane ang biktima apang wala ini natalupangdan ukon nakit-an sang driver rason nga malayo ang iya gintabugan.

Dugang pa ni PO2 Eduardo sini lang nga gab-i nag-areglohanay na ang magtimbang nga pamilya.

Facebook Comments