Sa gipadala nga sulat ni Sinsuat sa Municipal Commission on Elections pinaagi kang Election Officer Jeffrey Lala niadtong October 26, giingong dunay reported harassment nga gihimo sa kapin 20 ka mga indibidwal aron hadlukon ang mga tao sa barangay. Sumala niya nga tungod niini, mibakwit niadtong tungora ang mga residente gumikan sa kahadlok.
Dugang sa opisyal nga niadtong October 24, 2023, dunay duha ka pick-up trucks ang naglibot-suroy sa barangay aron kuhaan og videos ug photos ang mga balay nga maoy rason nganong nihawa usab balik ang mga residente sa ilang mga panimalay tungod sa kahadlok.
‘‘The following day, 4 vans, once again drove around Barangay with around 5 women got off from it in the guise of putting up a few election materials of candidate Shamim Limbona, the daughter of Asnawi “Jojo” Limobona, but they were more of taking videos and pictures of the area… It is clear that they want to spread terror to the residents who prompted to leave their homes in fear… Asnawi “Jojo” Limbona, Datunot “Greg” Paida, his 2 sons and daughter-candidate Shamim Limbona, with other unidentified burly men arrived at the Sitio were harassing the residents while destroying election posters of other candidates including barangay signages and hailing accusations to the people who were at that time running away or hiding in their homes,” saysay ni Sinsuat.
Nagtuo si Sinsuat nga usa kini ka pagsupak sa ilang nasabutan atol sa ilang panagtagbo bahin sa BSKE nga gitambongan sa daghang government agencies, kapulisan, ug kasundaluhan, ug nanghinaut nga makita sa otoridad ang violations nga nabuhat subay sa nahisgutan.
Ning panahon sa pagsibya, wala pa usab pamahayag niini ang pikas grupo.
RadyoMaN Renz Barbarona
