Davao City- Gikasubo ug gikadismaya ni Reproductive Health and Wellness Center (RHWC) chief Dra. Jordana Ramiterre ang sagunson nga insidente diin adunay mga napalgang mga bag-ong himugsong mga bata.
Sumala ni Ramiterre tungod kay nakita ug narekober ang maong mga bata sa dili luwas nga lugar posibleng resulta kini sa unwanted pregnancies.
Gibutyag niini adunay mga daghang rason nga kinahanglang imbestigahan sa mga awtoridad aron masuta ang ugat hinungdan sa inahan nganong nahimo niini ang pagbandona sa iyahang anak.
Matud kang Ramiterre dili dayon basulon ang inahan kay basin naipit kini sa sitwasyon o panghitabo apan dili usab kini mahimo justification tungod adunay kinabuhi ang nakalas nga adunay manubag gayod niini.
Hugot kining nanawagan ilabina sa mga kababayenhan nga planuhon gayod ang pagbuntis tungod usa kini ka seryuso ug dako nga responsibilidad.
RadyoMaN Aimee Guinita
Facebook Comments
