Napulo ka pesos nga pletehan sa mga depasahero nga jeep.
Ini ang nahisugtan nga saka sa plete sa ginhiwat nga Public hearing kaina sang hapon sa opisina sang Land Transportation Franchising and Regulatory Board ukon LTFRB 6.
Ginpahayag ni Boyet Parcon, Presidente sang Iloilo City Loop Alliance of Jeepney Operators and Drivers Association ukon ICLAJODA nga nangin mainit ang deliberasyon sa nasambit nga hearing angut sa ila petisyon nga himuon 12 pesos ang regular nga pamasahe.
Suno kay Parcon nga ginsuhestyon sang mga militante nga grupo nga nagtambung sa hearing nga 9 pesos lang ang dapat nga isaka sang pletehan b anguyd tuman na ka daku sang 12 pesos.
Subong man, sa padayon nga pag-inistoryahanay, nahisugtan sang tanan nga himuon na lamang nga eksakto nga pulo ka pesos ang regular nga pamasahe kag 8 pesos naman ang discounted fare para sa mga estudyante, senior citizens kag PWD’s.
Ginpahayag ni Parcon nga gilayon nga iga-padala sang LTFRB 6 ang nahisugtan nga fare increase agud tun-an kag aprobahan sa LTFRB central office.
Ginalauman nga magaguwa ang desisyon sang LTFRB sa bulan sang Marso.
