ILOILO City – Ipatuman na sa Agosto 30 ang saka sa pletehan sa syudad sang Iloilo.
Suno kay LTFRB 6 Regional Director Richard Osmeña, magapadala sila sang sulat sa mga operators agud mahibaluan kun san-o ang umpisa ang pagrelease sang fare matrix.
Makuha ang matrix sa balor nga P610.
Kinahanglan ang fare matrix agud makapatuman sang P8.50 nga pletehan ang mga jeepneys gikan sa daan nga P6.50.
Dapat nga ipaskil ini sa bahin sang salakyan nga makita sang publiko.
Hulyo 30 sang gin-aprubahan sang LTFRB ang duha ka pesos nga petition sang mga driver-operators nga saka sa pletehan.
Magasakop ang 20% discount sa mga estudyante bisan wala sang klase kag mga senior citizens kag PWD’s paandam ni Osmeña bisan may matrix na ang driver indi sila makapatuman sang saka sa pletehan antes ang Agosto 30.
Photo from web
