Sakay, Lakad, Layag (Salakyag) Ipahigayon Dinhi Sa Dakbayan

Gikatakdang ilusad na usab pagbalik ang programang “SAKAY, LAKAD at LAYAG para sa Sangnilikha” (SALAKYAG) alang karong tuiga dinhi sa nasud. Kining maong kalihokan ang gimugna sa pipila ka mga Non-Governmental Organizations dinhi sa nasud nga gipangunahan sa CBCP NASSA-Caritas.

Sumala pa nga kining nasangpit nga kalihokan maoy usa ka nasudnong kampanya isip panawagan alang sa pagpanalipod ug pagdaginot sa atong kinaiyahan.

Kini ang sugod nga ilusad pinaagi sa usa ka dakong “caravan” nga manukad gikan sa dakbayan sa Zamboanga karong adlawa Mayo 28, 2018 ug motapos didto sa DENR ug sa Mendiola, Metro Manila sa pagka Hunyo 5, 2018, atol sa pagsaulog sa “World Environment Day”.


Kining maong kalihokan ang nagdala sa tema nga “Protektahan ang Inang Kalikasan! Ipagtanggol ang Karapatang panlipunan ng mga tao para sa masagana at balanseng ekolohiya, Kilalanin at itaguyod ang Karapatan ng Kalikasan!”, uban sa paglaom nga kini ang makahimo ug pagpakabana batok na sa negatibong resulta sa pagmina(mining) ug sa climate change, pagbolok sa mga pagpanglapas sa tawhanong katungod dinha sa mga komunidad.

Sigun sa mahinong rota ning mang caravan, kini ang magasugod sa dakbayan sa Zamboanga ug molabay sa mga pipila ka mga kalungsoran ug dakbayan, lakip na ning atong dakbayan kaong Mayo 29, uban sa pagpahigayon ug programa kalabot niini.(CIO)

Facebook Comments