Posibleng mapun-an na usab ang ihap sa mga nataptan og sakit nga dengue dinhi sa dakbayan sa Iligan human nga adunay nadala nga pasyente sa City Hospital gikan sa Brgy. Upper Hinaplanon nga gisuspetsahang positibo sa maong balati-an.
Padayon pa nga gipanid-an sa mga mananambal ang maong pasyente nga usa ka babaye nga nagpangidaron og singko anyos nga giingong nagbalikbalik ang hilanat.
Kahinudmuman nga nakatala na og 83 ka mga kaso sa Dengue ang City Health Office gikan lamang niadtong Enero 1 diin duha na ang kumpirmadong patay.
Padayon usab karon nga gi-awhag sa buhatan sa kasanihan ang katawhang iliganon nga dili magkumpyansa ug limpyohan gayod ang bisan unsa nga mga containers nga posibling itlogan sa lamok nga magdala sa sakit nga dengue.
