Sa kasuko ni Police Regional Office -7 Director , Chief Supt. Robert Quenery
sa pagkasikop sa usa ka pulis nga giingong nangilkil sa ilang dinakpan nga
drug suspect , gihurot niya ug tangtang ang 39 ka sakop sa Parian Police
Station .
Si Quenery nitigum sa tanang hepe sa police stations sa Cebu City Police
Office (CCPO) human nadakpan ang polis nga si PO3 Ritchie Saquilabon atol
sa entrapment operation sa Counter Intelligence Task Force (CITF) human
giingong nangayo ug P20,000 sa ilang dinakpan nga drug suspek bugti sa
pagdowngrade sa kaso niini .
Gawas ni Saquilabon , aduna kini duha ka mga kaubang pulis nga nakaiskapo
hinoon atol sa entrapment operation .
Ang inahan sa drug suspect nga si Richie Labus maoy nipahibawo labot sa
pagpangilkil sa mga pulis sa Parian Police Station .
Ang mga pulis nga girelib sa Parian Police Station ipaubos sa 15 ka adlaw
nga retraining.
