Tingkagol sa balay bilangguan ang usa ka sakop sa Philippine National Police (PNP) human kini nasikop pinaagi sa gahum sa warrant of arrest.
Dili palang dugay ang kapulisan sa Godod nagpahigayon ug operasyon didto sa lungsod sa Sirawai, ning probinsya sa Zamboanga Del Norte bibit ang warrant batok kang PO2 Virgilio A. Ragual Jr. 38 anyos, aktibong myembro sa PNP nga naka destino sa Sirawai Municipal Police Station.
Si PO2 Ragual aduna kini warrant gikan sa lamesa ni Judge Oscar D. Tomarong sa RTC Branch 28, tungod sa paglapas sa Sec. 11 nga mao ang paghupot sa guinadiling droga sa R.A 9165 kun The Comprehensive Dangerous Drugs Act Of 2002.
Ang korte nagrekomendar ug pyansa sa kantidad nga P200,000mil ka alang sa iyang temporaryong kagawasan.
Si Ragual anaa karon sa kustodiya sa Godod MPS samtang ang service FA nga Glock 17, 9mm with SN PNP18313 ug usa ka magazine nga kargado sa 16 ka bala anaa karon naka deposito sa nahisgutan nga stasyon sa pulis.
Padayon pa karon ang gihimong imbistigasyon sa kapulisan sa pagpanguna ni SPO3 Marlon M. Requina alang sa dugang impormasyon.
