Davao City – Patay ang usa ka sakop sa sa gituohang membro sa Pulang Bagani Command atol sa engkwentro sa kasundalohan sa Platoon 89th Infantry Battalion tali sa kapin kun kulang napulo ka mga sakop sa PBC alas 6:20 sa kagabhion didto sa Sitio Balite Barangay Salapawan Paquibato District siyudad sa Davao.
Sa report gikan sa Davao City Police Office ang napatay naila nga si Meleng Alawag, 33 anyos nga taga Sitio Kinse-kinse Purok 5 Kiman-anao sakop sa nahisgutang barangay.
Matud pa sa report samtang ang kasundalohan milusad og strike operation sa naasoyng lugar ilang gika-engkwentro ang napulo ka mga armado hinungdan nga napatay si Alawag human nakaangkon og daghan samad pinusilan sa dughan nga bahin samtang sa bahin sa kasundalohan walay natalang nasamdan o casualty.
Human sa encounter nag reinforcement ang laing usa ka platoon sa kasundalohan ug naglusad ug clearing operation alas 3:00 sa kaadlawon sa pagpanguna ni 1st Lt John Jay Lara ang Bravo Company Commander ug narekober gikan sa lugar ang mga armas, handheld radio, usa ka unit sa cellphone, usa ka .45 caliber, ug laing pang mga matang sa armas nga anaa na sa kustodiya sa 89th IB Philippine Army.
Ang patayng lawas ni Alawag gihaya sa Rivera Funeral Parlor sa Brgy Lasang Bunawan District ning dakbayan sa Davao.
RadyoMaN Don Pulayao
