Davao City – Kasong murder ang ipasang-at batok sa nadakpang suspek nga si Jihad Galanto kinsa usa sa mga gitudlong nidunggab patay sa 32 anyos nga lalaki sa may Kasilak Bucana, Brgy. 76-A.
Sa interbyu sa RMN Davao kang Davao City Police Office spokesperson Police Capt. Nolan Tagsip nga sakop matud pa ang maong mga batan-on sa giingong Resbak Gang.
Sa report sa kapulisan, nagdula og mobile legends ang biktimang si Jericho Funcion ug nisuway og uwang sa nahitabong away sa mga batan-ong mga suspek.
Apan kini hinuon ang gitabangan og kulata ug gidunggab hinungdan sa kamatayon sa biktima.
Padayon ang manhunt operation sa kapulisan sa mga suspek kinsa matud pa ni Tagsip pulos pa mga menor de edad.
Nakigkoordinar karon ang DCPO sa mga barangay tanods sa pagpakusog sa ronda patrol ug Oplan Sagop Kabataan usa ka rescue operation sa kapulisan ngadto sa mga kabataang naglatagaw pa sa mga kadalanan atol sa curfew hours aron dili kini malambigit pa sa mga krimen.
Dili madawat sa pamilya ang nahitabo.
Mu-abroad unta ang biktima ngadto sa Taiwan isip usa ka machine operator sa textile company.
RadyoMaN Aimee Guinita
