Nasabutan atol sa gipahigayong public hearing alang sa special committee on marawi rehabilitation sa senado nga makigtagbo ang tanang ahensiya sa gobyerno ngadto ni Presidente Rodrigo Duterte.
Kini human gapanikad na gayud ang mga IDPs nga makabalik sa ilang mga lugar nga anaa mismo sulod sa Most Affected Areas o MAA.
Matud ni Senador Ronald Bato Dela Rosa nga kinahanglan nga mapaabot ngadto ni Presidente Duterte ang boot mahitabo sa mga IDPs.
Kini aron mahatagan dayon nila ug solusyon ang tumong ug tinguha sa mga IDPs nga makabalik na sa ilang mga lugar nga anaa sulod sa MAA.
Kahinumduman nga mibisita mismo ang mga senador nga nalambigit sa special committee on marawi rehabilitation didto sa marawi city aron sutaon gayud ang kahimtang sa maong syudad gikan kini nahi-agom sa giyera niadtung tuig 2017 tali sa mga sundalo ug grupong ISIS.
