General Santos City—gipapreso sa bana ang iyang asawa human sakpan sa aktong nidulog sa iyang kukadidang sa Barangay Tambler Gensan.
Alas 3:00 ang takna sa kabuntagon sa nakalabayng adlaw una nang midangop sa buhatan sa Tambler PNP ang bana nga si Alias Rene, Driver ug residenti sa Purok San Lorenzo,Barangay Apopong Gensan aron ipadakop ang iyang asawa apil ang kabit niini human dakpan niini sa aktong nagdulog sa usa ka balay sa may Purok Wal, Barangay Tambler Gensan.
Subay sa sumbong sa bana sa kapulisan nga pipila na ka bulan nga mihawa sa ilang balay ang iyang asawa, niadtong nakalabyng adlaw gibati syag kamingaw sa iyang misis mao nga iyang gipangita apan halos mabuak ang iyang dughan human nasakpan sa aktong nakigdulog kini sa laing binuhat.
Tungod niini iyang nadesisyonan nga ipadakop ang iyang asawa ingon man ang lalaking niilog kaniya.
(Photo From Web)
