Davao City- Dili mabayran og kwarta ang sakripisyo nga gibuhat sa tanang magtutudlo ngadto sa mga kabatan-unan.
Kini ang mensahe ni Jenilito “Dodong” Atillo, Department of Education kun DepEd XI atol sa interview sa DXDC RMN Davao diin subay kini sa selebrasyon karong adlawa nga World Teachers’ Day diin saludo kini sa mga magtutudlo nga padayong naningkamot nga matudluan og tarong ang mga kabatan-unan alang usab sa mag kaugmaon niini.
“Salamat kaayo sa atong mga teachers all over region XI, all over the country, and all over the world for their sacrifice for the children of others and for the generations to come and for the future of this country. Ang among pagsaludar kaninyo sa tanang panahon sa sakripisyo nga inyong ginahimo, Happy Teachers’ Day,” sigun ni Atillo.
Dako usab ang pasalamat sa DepEd XI sa tanang sektor sa kanunay nga nagaduyog ug nagasabot sa kahimtang sa mga magtutudlo.
Karong adlawa, sumala ni Atillo, dunay mga nagkadaiyang aktibidad nga pagahimuon ang Division offices ug mga skwelahan isip pagselebrar sa adlaw sa mga magtutudlo.
RadyoMan Renz Barbarona
