Davao City – Nagpahinumdom karon ang City Government of Davao sa mga pampubliko ug pribadong opisina sa pagpatuman sa Other Alternative Work Arrangements hangtud nga mahuman ang State Of Calamity (Presidential Proclamation 1021 Series Of 2020).
Subay sa Executive Order (EO) No. 10 Series of 2021 nga gipagawas sa lokal nga gobyerno kagahapong adlawa (Marso 15, 2021), gibutyag nga adunay tulo ka pamaagi sa maong sistema nga mao ang Skeleton Workforce, Work-From-Home, ug Staggered Working Hours.
Matud ni Davao City Mayor Sara Duterte-Carpio, ang Other Alternative Work Arrangements mandatory sa government offices apan ‘permissive’ lamang sa mga pribadong establisyemento.
“Ang ther alternative work arrangements, mandatory ni siya for government offices including national government agencies and instrumentalities and then permissive siya or encourage lang siya sa private offices and establishments,” segun sa Alkalde.
Giklaro ni Mayor Sara nga kinahanglang sakto gihapon ang ibayad sa mga trabahante kung ipatuman sa kumpanya ang maong sistema.
“There is no diminution of pay or work hours. So, dili pwede i-excuse sa atong employers nga tungod kay nag adopt sila voluntarily sa Other Alternative Work Arrangements, dili na makumpleto ang working hours or ang sweldo sa mga tao. Because bisan pa man if you are working from home, you are supposed to be paid,” tataw ni Duterte-Carpio.
Kini nga pamaagi giimplementar aron nga malikayan ang pagdasok sa empleyado sa trabahoan ug aron makontrola, ang pagkatag sa Coronavirus Disease 2019 (COVID-19).
RadyoMaN Kirby Manzon
