Sakyanan, gibabagan sa usa ka langyaw

Gibabagan sa usa ka langyaw ang nagdala sa iyang sakyanan human makita sa Limketkai parking area ning syudad.

Ang sakyanan gipanag-iyahan sa usa ka half Australian/ half Lebanese nga si Allan Jordan.

Matud ni Jordan nga iyang gibaligya sa usa ka Aladin Sapal nga taga Datu Siang, Cotabato City ang iyang sakyanan nga Mitsubishi Strada sa kantidad nga 375-thousand pesos.

Apan gibutyag niini nga human siya gibayran lamang og 150-mil pesos wala na magpakita si Sapal.

Maong sa pagkakita niya sa iyang sakyanan wala na niya kini gibuhian.

Nasayran nga kagahapon sa hapon, lahi na ang nagdala sa sakyanan sa dihang nababagan sa maong langyaw ug nabaligya na matud pa kini sa kantidad nga tunga sa milyon ka pesos.
PC: RadyoMaN Jonathan Bullo