Sa ekslusibong pakighinabi sa DXDC RMN Davao kang Jun Enriquez, Kagawad sa Brgy. Astorga, iyahang gisaysay nga ang naangol nga bata, pasahero sa sakyanan nga gimaneho ni Gerald Dapan.
“Pag-abot namo diria adunay isa ka 8-month old nga bata ang nagkadugo ug bali ang bukton. Mao tong gidali-dali namog dala sa ospital. Ako mismo nagdala sa bata sa ospital aron matagaan og hinanaling tambal. Okay ang bata, buhi, conscious ang bata,” butyag sa Kagawad.
Samtang kabsan sa kinabuhi ang nabanggaang payong-payong driver nga giila sa Sta. Cruz Municipal Police Station nga si Ivan Jay Nuevo human maigo sa maong sakyanan nga misarasay ug nawad-an og kontrol.
Adunay mga hungihong nga nagtuon pa lamang ang driver sa nabalintong nga sakyanan ug alegasyong nakainom kini hinungdan sa kusog nga pagpadagan nga maoy gipanubayan pa karon sa DXDC news team ug sa Sta. Cruz MPS.
RadyoMaN Ivy Parido
