Davao City – Naangol ang lima ka indibidwal human malambigit sa aksidente ang ilang gisakyang sakyanan pasado alas-1:00 sa hapon, Marso 29, 2026, sa may Pulang Pantad, Barangay Badas, Mati City, Davao Oriental.
Base sa inisyal nga imbestigasyon sa kapulisan, nagbiyahe kini gikan sa Bayview, Barangay Dahican, padulong sa Poblacion, Lupon, apan pag-abot sa lugar sa insidente, giingong nawad-an og kontrol sa manibela ang drayber human kini miswerve hangtod mitagilid ug natumba sa daplin sa dalan. Tungod niini, naangol ang drayber ug upat ka pasahero.
Gidala dayon sa Davao Oriental Provincial Medical Center ang mga biktima, samtang nagpadayon ang imbestigasyon. Gipasidaan usab sa otoridad ang mga motorista nga magbantay sa pagdrayb aron malikayan ang aksidente.
RadyoMaN Kareen Beltran
Facebook Comments
