Davao City – Milayas ang wala mailhing driver sa Suzuki Mini Van nga dunay plate No.1230-117929 human nasunog nga dunay kargang mga LPG butane canister alas 7:16 sa gabii niadtong Sabado (Nobyembre 5, 2022) sa Artiaga Extension, Brgy. 37-D, Davao City.
Sa interbyu sa DXDC RMN Davao kang SFO2 Tereso Oyzon Jr., Fire Investigator sa Bangoy Fire Station, base sa imbestigasyon nagsugod ang kalayo sa ilawom sa sakyanan og posibleng dunay fuel leak ug gidakop sa kuryente sa battery hinungdan sa sunog.
Segun ni Oyzon, P150,000 ang damyos sa sunog hinuon walay natalang casualties o nasamdan atol sa maong insidente.
Subling nagpahimangno si Oyzon sa mga driver nga una mobiyahe kinahanglan ilang i-check una ang mga linya sa wiring lakip na ang break aron malikayan ang sunog.
“Likayan nato magdala ug flammable kay bawal man god na sya, ila bina kung walay permit unya magdala ka ug flammable dilikado pariha atong sakyanan daghan gidala butane nga nasunog”.
RadyoMaN Don Pulayao
Facebook Comments
