Pagadian City – Kasong paglapas sa Presidential Degree 705, Revising Presidential Decree No. 389 nga mas naila nga Forestry Reform Code of the Philippines ang giatubang sa 28 anyos nga lalaki dihang nasapon atol random checkpoint operation sa Bogo PNP COMPAC, Bogo, ning syudad sa Pagadian alas 5:30 niadtong domingo sa hapon.
Giila ang supsek nga si Renier Llavado Atacador, dunay kalive-I, residente sa Purok Bahada, Dao, Pagadian City, Zamboanga Del Sur.
Ang grupo otoridad nisita sa suspek diha sa checkpoint operation sa Bogo COMPAC, Bogo, Pagadian City dihang ni-agi ang Suzuki Multicab Pick-up type, color orange, nga gimaneho sa suspek.
Ang driver pakyas sa pagpakita sa mga permits ug dokumento mahitungod sa Mahogany Lumber nga iyang gibyahe. Sa inisyal nga imbestigasyon nasayran nga ang Pick-up Multicab kargado sa (200) board feet nga gibana-bana nga mobalor (Php6,000.00).
Gitunol na ngadto sa City Environment and Natural Resources (CENRO) Office, Poblacion Ramon Magsaysay, Zamboanga Del Sur ang mga kahoy nga nakumpiska.
