Sakyanan sa giingong mga raliyista wala makaentra sa Davao

42

Davao City – Wala na matugutang makasulod pa sa Davao City human maharang sa checkpoint ang giingong mga sakyanan sa mga raliyista.

Sa interbyu sa RMN Davao kang Davao City Police Office head Police Col. Alexander Tagum nga walay mga dokumentos o saktong papeles ang maong mga sakyanan busa gipahimangnuan na lamang kini sa mga awtoridad nga mubalik sa ilahang mga gigikanan.


Matud ni Tagum nga mamahimong ma-impound o magatubang pa og mga violations ang maong sakyanan kung musulod pa kini sa lungsod.

Gibutyag sa labaw sa DCPO nga nakaplastada na usab ang tanang kapulisan sa San Pedro Square aron masigurong hapsay ang ika-upat nga State of the Nation Address kun SONA ni Presidente Rodrigo Duterte.

Matud ni Tagum nga dili nila nga makabalhin o sa Rizal Park mukasa na usab og lihok protesta ang mga militanteng pundok tungod usab kay wala na kiniy permiso sa lokal nga panggamhanan.

Naghiusa ang tibuok pwersa sa kapulisan ug kasundaluhan sa Davao aron mamahimong malinawon ang syudad atol sa SONA sa presidente karong hapon.

RadyoMaN Aimee Guinita

Facebook Comments

From Advertisers