By: Nitz Arancon
Maayong pagkaguba ang wind shield sa sakyanan sa Police Station 4 Carmen ning syudad, sa dihang naigo kini sa bato, sa Barangay Lumbia ning syudad sa Cagayan de Oro.
Si PO2 Erlito Senados, 32 years old nga residente sa Zone 7 Patag ning syudad, ug driver sa Patrol Car sa Carmen Police Station, ang mi-report nga matud pa, ang wind shield sa government vehicle nga iyang gi-dryban, maayong pagkaguba human naigo kini sa bato, didto sa Barangay Lumbia.
Matud ni PO2 Senados, nga si Jaime Ladapan, nga road maintenance sa DPWH, naglampas daplin sa dalan atbang sa Bloom fields Subdivision sa Lumbia, gamit ang iyang loan mower.
Apan tungod sa kakusog sa andar sa makina sa Loan Mower ni Ladapan, milagpot ang usa ka dako nga bato ug didto mitugpa sa Wind shield sa partol car sa Carmen Police Station.
Kini ang rason nga na damage ang bag-ong police car sa Carmen, nga nakahatag problema ni PO2 Senados.
Kini nga insidente nahitabo bandang 3:15 kagahapon adlawa ug ang maong insidente, gi-tugyan sa mga official sa DPWH, alang sa tukmang aksyon ug rekomendasyon.
