Sakyanang giingong nalambit sa murder case sa retired police sa Cotabato naharang sa TF Davao

Davao City – Na-intercept sa Task Force Davao ang giingong get away vehicle sa mga suspetsado sa pagpatay kang retired PCol Rolen Balquin sa Cotabato City Public Safety Officer didto sa Cotabato City.

Gibutyag sa Task Force Davao, ang naharang nga black Suzuki Mini Van Transformer with plate number MAV 3543 maoy gitudlong gisakyan sa mga suspek sa murder case.

Gikumpirma usab sa intelligence unit sa Cotabato City Police Office, ang na-harang nga behikulo nagtukma sa description sa sakyanang nasiplatanan sa CCTV footage diin nahitabo ang shooting incident.

Samtang, ang tulo ka mga sakay niini gi-turn over sa Cotabao City Police Office ug CIDG, BAR samtang ang laing duha pa ka mga indibidwal nga sakay gidala sa Davao Medical School Foundation (DMSF) Hospital alang sa medical attention.

Gikondena ni Task Force Davao Commander Colonel Darren Comia, ang mga gunman nga nibuhat sa krimen ug dili kini tugtang makasulod usab sa syudad.

RadyoMaN Aimee Guinita