Matud pa, mibuto ang ligid sa atubangan ug sa tuong bahin sa maong kotse nahitabo alas 4:45 sa hapon niadtong Agosto 23, 2022 sa Purok 7, Brgy Sinaragan, Matanao Davao del Sur hinungdan nga nawad-an og kontrol ang nagmaneho niini ug misarasay ug mibangga sa laing kasugat nga sakyanan nga Van Toyota Grandia, gimaneho ni Marvin Agravante, 42 anyos, residente sa Brgy Poblacion, Midsayap North Cotabato.
Sa inisyal nga imbestigasyon sa kapulisan sa Matanao Municipal Police Station, naglawig ang sakyanang Hyundai Accent gikan sa Barangay Sinawilan,Matanao Davao del Sur padulong sa syudad sa Digos ug ang Van Toyota Grandia gikan sa dakbayan sa Davao padulong sa Poblacion,Midsayap,North Cotabato apan pag-abot sa nasangpit nga lugar nahitabo ang disgrasya diin sa kakusog sa impact sa pagkabangga sa duha ka sakyanan, nabalingtong ang van samtang ang kotse nadiretso sa daplin nga konkreto nga kanal.
Miresulta sa pagkadamyos sa duha ka sakyanan ang maong disgrasya ug naangol ang duha ka mga pasahero nga sila Angelyn Jamela, 35 anyos, pasahero sa Van ug Jessa Basug, 25 anyos, dalaga, ang pasahero sa Hyudai Accent lakip ang duha ka mga driver nga gipangdala sa Provincial Hospital ug sa St. Benedict Hospital diin anaa na karon sila sa luwas nga kahimtang.
RadyoMan Don Pulayao
