Davao City – Nipatim-aw na ang tagtungod sa lalaki kinsa na hit and run
patay sa may corner McArthur Highway ug Quimpo Boulevard Martes sa gabie.
Sa interbyu sa DXDC Davao kang Davao City Police Office Traffic Group
Investigator PO1 Kim Zamora giila ang biktima nga si Jolan Olea, ulitawo,
31 anyos ug residente sa Bugac Ma-a, Davao City Public Cemetery.
Ang inahan sa biktima nga si Lorita Olea, 54 anyos, balot vendor nagbutyag
sa kapulisan nga buntag niya ulahing nakita ang iyang anak human kini
nananghid nga mangapply og trabaho ug ga-sideline kini isip technician og
cellphones.
Sumala ni Zamora ganihang buntag ilang gisubay ang CCTV camera didto sa
PSSCC nga duol sa nahimutangan sa aksidente apan adtong mga orasa wala
nakuha kung kinsa ang nakaligis busa nagapangita ang mga awtoridad og mga
CCTV cameras sa nga establisimiento nga duol sa traffic light nga pwedeng
makatabang aron masubay ang sakyanang nisibat human sa insidente.
Gilaraw usab sa kapulisan ngadto sa pamilya nga ipa-awtopsiya ang patayng
lawas sa biktima.
Missing ang cellphone sa biktima ug nakatiniil na kini nga nakaplagan sa
highway.
RadyoMaN Aimee Guinita
