Nagnubo sa 30 tubtob 40 porsyento ka mga salakyan ang nagsulod sa syudad sang Bacolod bangud sa ginpatuman nga ODD-EVEN scheme sa home quarantine pass suno sa BCPO.
Suno kay Bacolod City Police Office spokesman, Lt. Col. Ariel Pico sa interview sang DYHB nga daku ang nabulig para mag-gamay ang volume sang mga salakyan kag tawo nga nag gwa sa ila nga puluy-an sang ginpatuman ang number coding humalin sang Myerkulis nga adlaw.
Samtang, iya man nga ginpahanumdum sa pumuluyo nga ang nabaton nga ayuda sa Social Amelioration Program (SAP) indi pag-gamiton sa iligal nga sugal ukon panahor kag ibakal sang ilimnon kundi unahon ini bakal sa kinahanglanon sa panimalay kaangay sang pagkaon bangud sa gina atubang nga krisis.
Naga-apelar man ini sang kooperasyon sa publiko nga dapat updan ang kawsa sang gobyerno sa pakig-away kuntra corona virus para makabalik na kita sa normal nga pagsinalayo kag pangabuhi.
[image: image.png]
