Masuwerte nga nakaluwas sa katalagman ang driver sang isa ka Chevrolet Duramax nga nadisgrasya kaina sang hapon (Mayo 4) sa Barangay Pagdugue, Dumangas, Iloilo.
Ini sa pihak nga totally wreck ang salakyan base sa paglaragway sang pulis sa Dumangas.
Ginpahayag ni Police Senior Master Sgt. Kim John Banzon sang Dumangas PNP nga natabu ang aksidente alas dos sang hapon samtang ang Chevrolet Duramax nga ginamaneho ni Prince Jun Soldevilla sang Salihid, Barotac Nuevo ang nagbunggo sa puno sang mahogany kag nagsagaid sa pader sang is aka balay sa nasambit nga lugar.
Suno kay Banzon nga matapos ang aksidente, naguwa sa salakyan ang driver kag nagsakay sa tricycle.
Ginpahayag ni Banzon nga masuwerte ang nasambit nga driver nga wala sang malain nga natabu bisan pa nga wasak gid ang salakyan sini.
