SALES MANAGER DEL SAN MIGUEL BEER MUERTO NA INCIDENTE DE TIRO NA SIBUGAY

SALES MANAGER DEL SAN MIGUEL BEER MUERTO NA INCIDENTE DE TIRO NA SIBUGAY BHONG SIMBAJON
Muerto el Sales Manager del San Miguel Beer Corporation WesMin Sales Office desfues coneste tira el desconosido suspechao ayer por la tarde na provincia del Zamboanga Sibugay.
El portavoz del Police Regional Office 9 Chief Inspector Helen Galvez, ya identifica con el victima como si Pierre Adrian Macapil y Diamos, 38, casao y residente de Villa Sta. Maria aqui na Ciudad de Zamboanga.
Si Galvez ya abla cay un riding tandem suspechao armao de calibre pistola el derefente ya atraca con Macapil, y sin provocasyon ta tira ya lang coneste insiguidas.
Ya pricura pa coneste lleva na sercano ospital sin embargo ya declara coneste dead on arrival el mga duktor.
Ya fuede recuvri el otoridad na lugar del insidente cuatro basiyo y dos bala del un calibre cuarentaysingco pistola , donde ta determina pa el otoridad con el posible motivo del mensyonao insidente, lo mismo el identificaccion del gma suspechao. Bhong Simbajon/RMN News