Davao City – Biktima sa pagpangawat ang usa ka salesman sa wala mailhing kawatan human gipangkawat ang iyang personal nga butang lakip ang dakong kantidad sa salapi natigayon alas 3:45 sa kaadlawon sa may Bilesario Village, R. Castillo Agdao, siyudad sa Davao.
Subay sa report sa Sta. Ana PNP, naila ang biktima nga usa ka Charlie Elman, 41 anyos, nagpuyo sa nahisgutang lugar.
Matud pa samtang ang asawa ni Elman nibangon niadtong tungora alang sa pagprepara sa ilang pamahaw, namatikdan sa asawa nga nahanaw na ang ilang duha ka cellphone nga mukantidad og P21,000 lakip ang iyang sling bag nga dunay lisensiya, SSS ID, hearth card ug kwarta nga mukantidad og P3,800.00.
Human sa panghitabo igo nalang nidangop sa Presinto Dos sa San Pedro PNP si Elman aron usab niya pa-imbestigahan.
RadyoMaN Don Pulayao
