Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Kinahanglan nimo musalig sa imong kusog ug determinasyon ubanan kini ug pasensya aron mas magmalampuson ang tanan.
TAURUS: (Abril 20-Mayo 20) – Adunay panulti “Practice makes perfect”, apan samtang gadagan ang panahon atong masinati o makita na walay perpekto na butang o tao sa kalibutan. Bisan pa naay panahon malampuson ta dili gihapon ni matawag na perpek, tungod pirmenti naay espasyo para sa kalambuan. Kini hinumdumi, samtang imo giatubang ang pagdebelop sa usa ka aspeto sa imong kinabuhi bisan pa hinay ang proseso sa kalamboan, ang importante naay pag-uswag.
GEMINI: (Mayo 21-Hunyo 21) – Imong nasinati karon na kinahanglan ka sa bag-o lang nawala kanimo. Apan sa dili na pamilyar na sitwasyon ikaw hinay-hinay na maanad, pasagdi lang kini aron makita nimo ang pamaagi makatabang ka.
CANCER: (Hunyo 22-Hulyo 22) – Ang pangutana, kinsa ang mutabang o mupahiluna kanimo pag-abot sa panahon na ikaw ang manginahanglan. Usa ka bantugan nga aksyon ang pagtabang sa usa ka tao apan maayo sab na makita nimo unsa ang resulta sa imong nabuhat. Ayaw kabalaka, ang respeto ug taas na paglantaw kanimo gikan sa lain tao muabot na.
LEO: (Hulyo 23-Agosto 22) – Importante na mapadayag o masulti nimo ang imong nahibaw-an ug dili kini i-langan pa. Importante kini karon aron dili kita magbasol pag-abot sa panahon.
VIRGO: (Agosto 23-Setyembre 23) – Ang pakig-ambit sa mas daghan na mga higala na adunay kapareha ug ideya sama kanimo, ang mas kinahanglanon nimo.
LIBRA: (Setyembre 24-Oktubre 23) – Ang oras nga imong gikinahanglan sa uban ang maoy imong gipangita karon. Apan dili tanan higayon nga imong mga gusto madayon. Mag agad ra gyud ta sa kapalaran kong iya ba gyud kaha ning gi destino para sa imoha or dili. Mao nay giingon nga ang orasan ra gyud ang naay time permi para nimo.
SCORPIO: (Oktubre 24-Nobyembre 22) – Naay mga butang nga puno ka sa pagbasol niini kay tungod sa imong mga kasaypanan. Ayaw kagoul kay timan-e permi nga wala gyuy perpekto aning kalibutana. Instead, malipay ka anang butanga kung asa ka nasayop kay mamahimo kini ug leksyon para nimo.
SAGITTARIUS: (Nobyembre 23-Disyembre 21) – Makahinumdum ka sa mga panghitabo sauna nga imong gidahum hangtod karon pero wala nahinayon. Mohatag kini og kagool sa imong kaugalingon apan magpabilin lang gihapon kang positibo kay ikaw mismo nakahibaw nga naa gyuy rason ang tanang butang. Kung unsa man gani ani ang pagpahinumdum sa imong ex, undangi nana. Ga labadlabad rakas imong ulo!
CAPRICORN: (Disyembre 22-Enero 19) – Magkinahanglan ka man sa tabang sa uban apan kinahanglanon pud nila ang imong tabang. Sa ginaingon pa nga tabangi ko og tabangan pud tika. Nindot kaayo sa imong pamati nga naa kay masugatan na tao sa imong adlaw nga magtinabangay mo sa usag usa.
AQUARIUS: (Enero 20-Pebrero 18) – Dili naka makabantay nga naay mga pangusab sa imong kinabuhi. Dili napud ka makabantay nga naabot na diay sa kana nga level sa imong kinabuhi. Normal ra gyud na nga naa man gyud tay mga pagbago sa atong kinabuhi. Pero hinumdumi permi nga bag-ohon lang ang tanang butang ayaw lang gyud imong uyab.
PISCES: (Pebrero 19-Marso 20) – Naa kay mga decision nga pangbuhaton karon og malipay ka kung naa man gani mo supporta sa imong gusto. Pero pagbantay-bantay lang gyud kay basin suyaan unya ka nga makita nila nimo nga malampuson ka. Timan-e nga daghang suyaon aning kalibutana.
Mao kadto ang atoang LeenoWag Horoscope alang sa adlaw nga Huwebes, Agosto 2, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. Photo gikan sa web. (Sinulat ni DJ Leeno Gaw ug Boss Luwag).
