Napili bilang Word of the Year ng Filipinas Institute of Translation (FIT) ang salitang “pandemya.”
Bukod sa salitang “pandemya,” kabilang sa mga nominado ay “ayuda,” “contact tracing,” “blended learning,” “quarantine,” “social distancing,” “testing,” “virus,” “webinar,” at “2020.”
Ang salitang “social distancing” ang napiling ikalawang word of the year, ang pangatlo ang “contact tracing.”
Ang iba pang mahahalagang salita ngayong taon ay “frontliner” at “mañanita.”
Ayon kay University of the Philippines Diliman Professor Zarina Joy Santos, madalas sine-search ng mga Pinoy netizens ang “pandemya” sa Google mula nang ipatupad ang quarantine restrictions noong Marso.
Nangngahulugan na tila bago sa kamalayan ng mga Pilipino ang salitang ito batay sa trends sa internet.
Mahalagang ituro sa publiko ang kahalagahan ng paghahanda sa pandemya.
Sinabi naman ni Professor Eilene Antoniette Narvaez ng FIT, ang iba pang nominadong salita ay ikinokonsiderang mahalaga dahil may kinalaman ito sa pandemya.
Si Narvaez ay nakipag-collaborate sa Google para ilunsad ang COVID-19 Filipino dictionary kung saan mayroon ding Cebuano translations.
