Saliva testing ginatun-an

20

Gipailawom na sa Department of Health (DOH) ang pagtuon sa paggamit og laway sa COVID-19 testing sama sa ginabuhat sa Japan.

Giingon ni Health Undersecretary Maria Rosario Vergeire nga aduna nay nagpresenta sa ilaha nga mga health experts sa paggamit og laway.

Una nga gamiton ang maong specimen nga ipuli sa ginakuha nga sampol sa tutunlan o ilong para sa RT-PCR test ug ikaduha mao ang direktang pagpailawom ani sa testing.

Naay kaugalingong pagtuon sab ang Philippine Red Cross (PRC) kalabot niini samtang dugay nasad gipailawom sa ‘laboratory analysis’ ang saliva testing sa Research Institute for Tropical Medicine (RITM).

Ang pagtuon kung magamit ang laway sa RT-PCR test gibuhat aron mas mapapaspas ang proseso sa pagpailawom sa test sa mga pasyente kumpara sa pagkuha og sampol sa ilong o tutunlan.

Facebook Comments