Naitala pa rin na pinakamayamang myembro ng 3rd Regular Session ng 17th Congress ang port tycoon na si 1-PACMAN Party-list Rep. Mikee Romero.
Batay sa summary ng December 2018 Statements of Assets, Liabilities and Net Worth ng mga kongresista, nagtala si Romero ng P7.86 billion na net worth na mas mataas ng P570 Million kumpara sa P7.29 Billion na net worth nito noong nakaraang taon.
Pumangalawa naman sa pinakamayamang kongresista si Negros Occidental Rep. Albee Benitez na may P1.017 Billion pesos na net worth habang pangatlo si Ilocos Norte Rep. Imelda Marcos na may P924 Million networth.
Pasok rin sa Top 10 sina Quezon City Representative Sonny Belmonte P864.752 Million net worth , Manila Teachers Partylist Rep. Virgilio Lacson na may P793. 872 Million, Marikina Representative Bayani Fernando P748 Million, Davao Del Norte Rep. Tonyboy Floirendo P714.601 Million, Batangas Rep. Vilma Santos-Recto P555.324 Million, Leyte Rep. Yedda Romualdez P487.61 Million, at si House Speaker Gloria Macapagal-Arroyo na may P480 million pesos.
Samantala, sa 291 na mga kongresista… pinakamahirap pa rin sa mga mambabatas si Kabataan Party-list Rep. Sarah Elago na mayroong declared net worth na P85,400 pesos.
