Nakahanda si dating House Speaker at Leyte 1st District Representative Martin Romualdez na ilabas ang kaniyang Statement of Assets, Liabilities, and Net Worth (SALN).
Ayon kay Congressman Martin Romualdez, ito ay kung hihilingin ng Independent Commission for Infrastructure (ICI).
Aniya, handa umano siyang ilabas ito para makatulong sa pagpapatuloy ng imbestigasyon sa maanomalyang flood control projects.
Sinabi naman ni ICI Executive Director Atty. Brian Hosaka na ipaaalam niya ang kahandaan ng kongresista sa mga miyembro ng komisyon.
Sa tanong naman kung dapat bang umuwi si dating Ako Bicol Party-list Representative Zaldy Co sa Pilipinas, sinabi ni Romualdez na dapat bumalik ang lahat ng resource person na ipinatatawag ng komisyon.
Facebook Comments
