Daghan gayud kang Vice Mayor gisayangan
Sa dihang miluwat kini sa iyang katungdanan
Sa iyang desisyon aku di katuo ug nakalitan
Kay sulundon nga lider niining atong dakbayan.
Mga suporter nga wa magdahom labihang guola
Sa miaging eleksyon dili tiaw ang ilang suporta
Dabawenyo wala pa natagbaw sa serbisyo niya
Hukom ni Pulong nga alang naku di basta-basta.
Kun unsa man iyang rason angay nga i-respeto
Gani aku kang Pulong sa tinuoray misaludo
Ang iyang posisyon sa lokal nga gobyerno
Timaan nga dili siya hangol ug iyang gisakripisyo.
Hinuon dili pa nato matagna ang dagan sa politika
Sayo pa aron atong ingnon nga si Pulong muretiro na
Aduna pay daghang mahitabo kay siya batan-on pa
Busa panid-an lang nato unsay sunod nga kabanata.
RadyoMaN Erin Lumosbog
Facebook Comments
