Roxas City, Capiz- Aminado ang pamunoan sang City Engineers Office nga may kasaypanan sa ila parte kun ngaa wala gilayon matapos semento ang ginguba nga dalan sa Plaridel Street.
Suno kay City Engineer Rosano Anisco, mano-mano ang ila ginhimo nga pagbakbak sang dalan kag nag-arkila gid lamang sila sang back hoe bangud guba naman ang back hoe nga ginapanag-iyahan sang City Engineers Office.
Kasunod sini, nagpangayo sang pasaylo si Anisco sa publiko bangud sa huol nga dulot sa mga motorista ilabe na ang pagluntad sang trapiko sa tiun sang alas singko ubtob alas siete sang gab-e kun sa diin madamo ang nagapadulong sa TATC agud nga manindahan.
Sa pihak sini nagpromisa naman si Anisco nga magabalik subong nga adlaw ang City Engineers Office sa pag-obra kon sa diin maga-umpisa na sila sa pag-pison bilang preparasyon sa pag-abot na sang mga materyales sa pagsemento sa masunod nga semana.
