Samal: Curfew hours sa minors ug hamtong gipatuman

48

Davao City – Padayon ang istriktong pagpatuman sa Island Garden City of Samal (IGaCoS), Davao del Norte sa mga health and safety protocols batok sa Coronavirus Disease 2019 (COVID-19) sama sa pagpatuman sa curfew hours.

Sa interbyu sa DXDC RMN Davao kang IGaCoS Mayor Al David Uy, gibutyag niini nga ilang gikategorya ang curfew diin sa mga bata/minor 6PM hangtud 6AM ang ilang curfew hours samtang, sa hingkod/adults 9PM hangtud 5AM ang ilang curfew hours.


Sa liquor ban, adunay gitaganang oras kun ‘window hours’ alang sa pagpalit og bino gikan alas 9:00 sa buntag hangtud alas 9:00 sa gabii, apan gidili gihapon ang pag-inom sa pampublikong lugar.

Aduna usay gipagawas nga Executive Order (EO) No. 259 Series of 2020 ang alkalde nga nagdili sa pagpahigayon og mass gatherings sa pag selebrar sa Yuletide Season o Christmas Parties karong tuiga.

“Gihangyo lang gyud nako nga mo-cooperate ang katawhanan kay kining ginahimo sa gobyerno karon, ginahimo ni Presidente (Rodrigo Duterte) para man ‘ni sa kaayuhan sa tanan,” saysay ni Uy.

RadyoMaN Kirby Manzon




Facebook Comments