Samal planong i-require ang negative Covid-19 test sa mga turista gawas sa Davao region

27

Davao City – Laumang magpagawas og Executive Order (EO) ang LGU Island Garden City of Samal karong semanaha sa pagtugot sa mga turista gikan sa gawas sa Davao Region.

Sa interbyu sa DXDC RMN Davao kang Rosabel Jusguan Samal Tourism Officer, padayon pa nilang ginaobserbahan ang COVID-19 cases una hingpit magpagawas og desisyon alang niini.

Anaa sa Alert Level 3 ang Samal hangtud October 31, 2021.


Gibutyag niini, istriktong ipatuman ang protocol kung anaa na ang EO sa mga sulod nga Mindanao nga turista kinahanglan mupresenta og antigen test, samtang Negative RT-PCR sa COVID-19 sa mga gikan sa Visayas ug Luzon lakip ang vaccination card.

Anaa sa 100 ka mga resorts na sa Samal ang nag-operate sa pagkakaron ug hugot gipatuman ang Minimum Public Health Standard.

Gi-wagtang na usab ang liquor ban sa entero IGACOS.



RadyoMaN Aimee Guinita

Facebook Comments