Davao City – Gikumpirma sa Local Government Unit (LGU) sa Island Garden City of Samal (IGaCoS) nga mamahimo na nga maka-operate ang mga resort sa Samal sugod Marso 1, 2021(Lunes) ilawom sa General Community Quarantine (GCQ) status.
Sa interbyu sa DXDC RMN Davao kang IGaCoS Mayor Al David Uy, gibutyag niini nga kini human nga giaprubahan sa Inter-Agency Task Force (IATF) ang ilang request sa resorts reopening diin laumang karong semanaha mugawas ang Executive Order (EO) labot niini.
“By Monday, March 1, 2021 maka-operate na ‘tong mga resort nato. Anytime this week mugawas ang EO nato kay nakakuha na man ‘mi og favorable resolution sa IATF allowing Samal to operate limited tourism activities,” matud ni Uy.
Giklaro ni Uy nga ipatuman gihapon ang health and safety protocols batok Coronavirus Disease 2019 (COVID-19) sama sa 50% capacity sa resort ug ‘no booking, no entry’ policy.
Samtang, matud sa Alkalde ilaha usab nga gi-waive ang penalty ug gi-extend ang application ug renewal sa business permits tungod sa lisod nga pag proseso tungod sa pandemic.
RadyoMaN Kirby Manzon
