Davao City – Istriktong i-monitor sa lokal nga gobyerno sa Island Garden City of Samal (IGaCoS) ang mga establisyemento partikular na ang mga resorts nga gitugotang mag-abri ilawom sa Modified General Community Quarantine (MGCQ) sugod niadtong Agosto 1, 2020.
Sa interbyu sa DXDC RMN Davao kang IGaCoS Mayor Al David Uy, gibutyag niini nga kadtong mga resorts nga nagbaton og Provisional Certificate of Authority to Operate, kinahanglang mag-imposar sa “No Booking, No QR (Quick Response) Code, No Entry” Policy ug uban pang health protocols batok sa COVID-19 (Coronavirus Disease 2019).
“We allow them to open granting that they will follow health protocols. I-monitor man na nako. Then, pwede lang maka operate sila pero 50% capacity sa establishment nila,” saysay ni Uy.
Samtang, gidili gihapon ang island hopping, scuba diving, trekking ug uban pang eco-tourism activities.
Dugang niini, epektibo gihapon sa IGaCoS ang curfew hours gikan alas-9 sa gabii hangtud alas-5 sa buntag ingon man ang 24-hour liquor ban.
RadyoMaN Kirby Manzon
