Davao City – Giulan og reklamo ug mga mensahe sa pagpakitabang ang lokal nga gobyerno sa Samal, Davao del Norte bahin sa Social Amelioration Program kun SAP sa Department of Social Welfare and Development kun DSWD.
Sa pakighinabi sa DXDC RMN Davao kang Samal Mayor Al David Uy, hastang daghana sa iyang nadawat nga mensahe, text o tawag gani naa pay manhilak gumikan sa ginaingong dili patas nga pagpili og distribusyon sa SAP.
Samtang gibutyag usab sa alkalde nga nagsugod na ang distribusyon sa SAP sa lugar ug paningkamutan matud pa nga maapod-apod ang ayuda sa tanan sunod semana apan una ng nagbahad si Mayor Uy nga maglusad og revalidation sa mga nakadawat aron mabalik ang kwarta o makasuhan ang mga di kwalipikado apan nakadawat.
“Once marelease tanan (SAP), mag-revalidate ko personally, ako gyud mag-check sa mga gipang-distribute kay klaro ma pud ang mensahe ni Director Roldan ug DSWD, Ma’am Grace nga i-revalidate… Dapat ma-validate ug mahashasan gyud, tabang man na sa mga nanginahanglan,” segun ni Mayor Uy.
Dugang niini, gibutyag usab ni Mayor Uy nga pipila sa ilang mga challenges sa paghatag og ayuda sa iyang ginsakpan mao ang manpower ug communication sa ilang lugar.
RadyoMaN Renz Barbarona
