Samaleño positibo sa tumong sa environmental fee

Davao City – Ang pagpreserba ug pagprotekta sa kinaiyahan ang maoy nakita sa usa ka taga Samal nga si Nanette Veloso sa tumong sa environmental fee nga ginapangayo sa mga inbidwal na musulod og Island Garden City of Samal (IGaCoS).

Sa interbyu sa DXDC RMN Davao kang Nanette, nanghinaut kini nga mamahimong gaan lang usab sa mga tawo ang pangayoon nga bayad ug makita usab ang gamitan niini pagmintinar sa kalimyo ug kalambuan sa isla.

“Dapat pud sa government nga naga-collect (og environmental fee) nga makita nga naay result nga gi-take care gyud nila. Para ang mga tao dili manghinayang sa gibayad kay naprotektahan gyud ang environment nato,” sulti ni Nanette.

Dugang sa Samaleño, samtang sayo pa kinahanglan gayud nga maproteksyonan ang lugar aron dili kini mapareho sa ubang isla nga nadaut tungod kay wala naatiman.

Nasayrang usa ka taga Davao ang mipasibaw sa iyang mulo sa social media tungod sa pagpangayo og environemental fee sa Local Government Unit (LGU) Samal, samtang wala nagapangayo niini ang City Government of Davao.

RadyoMaN Kirby Manzon