SAMAR – Opisyal na nga nagdesisyon an Department Of Tourism nga an Samar
iton igsasaliwan la anay kumo alternative destination ha Boracay kay
igpapailarom pa an Boracay ha rehabilitation tungod han pag-abuso ha
kalibungan.
Sumala kan DOT Undersecretary Kat de Castro, apil ha listahan an Samar ha
mga priority sites for promotions han buhatan.
Ginsisiguro liwat yana han DOT nga upayon pagpaura han han mga natural
resources ha probinsya han Samar.
Dugang han opisyal, ini na an tama nga oras para han Samar nga igpakita ha
bug-os nga kalibutan kun gaano kahusay an Samar partikular na ha mga
tourist spots.
Nalilipay naman hi Samar Gov. Sharee Ann Tan hini nga pronouncement han DOT
tungod nga turismo an main economic growth han probinsya.
Tikang han magtikang an Spark Samar tourism campaign, lumubo an pag-abot
han mga turista, 118, 013 nga turista dida han 2013 ngan umabot ha 207, 709
dida han tuig 2016. Ginhihingita naman han Gobernador ng maabot pa ini ha
298, 000 nga turista sunod nga tuig 2019 ngan 2020.
Sanglit ginrerekomenda han Samar Provincial Government an 4 nga tourist
spots nga mahusay ha Samar, ini an Sohoton Natural Bridge National Park kun
diin makikit-an an pinakadako nga cave system ha Pilipinas, Ulot River ha
Paranas, Samar kun diin mayada Torpedo Boat extreme ride, Marabut Rock
formations ha Marabut, Samar ngan Lulugayan falls ha Calbiga, Samar kun
diin presko ngan baga hin swimming pool an natural nga buhos han tubig.
Andam na an Samar Provincial Government ha mas damo pa nga turista nga
mabisita ha Samar.
Kasamang Jake Tatoy, Leyte, Region 8, Samar
