Luwas na ang kahimtang ug nakagawas na sa hospital ang 4 ka mga sundalo nga sakop sa 30th IB Phil. Army apan pabiling giatiman sa mga doctor ang laing 2 pa ka mga sundalo human sila gipabuthan ug Granada sa rebelding New Peoples’ Army (NPA) didto sa brgy. Magtangale, San Francisco, Surigao del Norte mga semana na ang miago. Gibutyag ni LTC Allen Tomas, commanding officer sa 30th IB Phil. Army nga nagpahigayun ug socio-economic support activity sa lugar ang 6 ka mga sundalo sa maong barangay apan kalit sila’ng gi-itsahan ug Granada sa gitoohang sakop sa rebelding NPA hinungdan sa ilang pagka-angol nga naigu sa sharp nail. Nagkatibulaag ang katawhan nga mitambong sa maong aktibidad mao’ng pakyas ang mga sundalo sa paggukod sa mga NPA aron malikayan nga maangin ang daghang mga sibilyan kung mahitabu ang engkwentro. Luyu pa man niini, magpadayun gihapon ang nasangpit nga aktibidad sa kasundaluhan sa 30th IB aron pagtabang sa mga katawhan didto sa lugar. Sent from my Samsung Galaxy smartphone.
