Kalibo, Aklan — Sambilog pa nga motorsiklo rong na-recover it Kalibo PNP sa ginhimo nga follow up sa Brgy. Nalook, Kalibo, Aklan.
Kung matandaan nga kahapon hay sambilog man nga motorsiklo rong na-recover sa Brgy. Mabilo, Kalibo ag nag resulta sa pagka aresto sa suspek nga nagapinanakaw it motor nga si John Vincent Mersella, 22-anyos it Brgy. Jalas, New Washington.
Naaresto ra imaw matapos nga unang gin dakop it mga pumueoyo sa lugar samtang sakay it motorsiklo nga ginapatihan it mga pumueoyo nga raya hay tinakaw.
Gin identify man ko tag-ara ro motorsiklo ag nagpakita it nagakaigo nga papeles nga nagapamatuod nga ana rong motorsiklo.
Samtang, imaw man ra ro suspek nga nagtakaw sa motorsiklo sa may bahin it Andagao ko nagtaliwan nga Meyerkules ag gin abanduna sa may Brgy. Estancia.
Sa makaron hay magapangatubang it nagakaigo nga kaso si Mersella.
