Sambilog patay, 4 ninahan matapos nga matumba rong sangka trailer truck nga may kargang abono

19

Banga, Aklan – Patay rong sangka 10-anyos nga ungang babaye samtang ap-at rong ninahan matapos nga inigo it sinakong abono nga karga it natumbang trailer truck kaina it agahon sa diversion road nga sakop it Sitio Malipayon, Brgy. Mambog, Banga, Aklan.
Sa impormasyon nga nabuoe halin sa Banga PNP nga halin sa Leganes, Iloilo rong truck nga ginamaneho ni Jonafel Merbal, 42-anyos it Janiuay, Iloilo ag may anang pahinante nga si Bryan Peñafel , 31-anyos it Pototan, Iloilo nga may kargang 400 ka sako it abono nga iga deliver sa banwa it Ibajay kung sa siin nadueaan it control rong driver sa palikuon nga parte ag tumumba raya sa prente it sangka panimaeay nga may mga baligya sa prente.
Insigida nga gin rescue ro nasambit nga unga nga nakilaea kay Lemy Villar alyas “Bokay” ag residente man it nasambit nga lugar bangud imaw ra rong nahapintae it maabong sinako nga abono ag gindaea sa hospital pero gin deklara nga dead on arrival.
Samtang ap-at rong ninahan hay sanday Alma Elias, sa hustong edad residente it Fulgencio Norte, Balete; Romegeldo Rotap, 35-anyos it Tabayon, Banga; Jenny Duran, 47-anyo it Brgy. Mangan ag Aquilino Quimpo, 60-anyos it Brgy. Mambog, Banga.
Sa makaron hay una eon sa paghinakop it Banga PNP rong driver ag pahinante it truck para sa nagakaigo nga disposisyon.

Facebook Comments