Davao City- Gidawat sa 1003rd Infantry (Raptor) Brigade ang mga nisurrender nga tulo ka mga sakop sa Sub-Regional Sentro De Grabidad Peddler sa North Central Mindanao Regional Committee (SRSDG Peddler, NCMRC) sa Barangay Kahusayan, Kitaotao, Bukidnon.
Giidentipika kini nga sila Marjun Otag, usa ka Squad Leader, Nelly Erespi Otag ug Emmely Banahan, nga samdan ang wala nga tiil.
Matud sa 10th Infantry Division, nitahan sa ilahang mga kaugalingon ang tulo ka mga NPA ngadto sa militar human sa intensified focus military operations sa 1003rd Infantry Brigade ilawom kang Brigadier General Marion Angcao.
Gitambalan ang samdang NPA ug nakigkoordinar usab ang kasundaluhan sa ubang mga ahensya alang sa medical assistance.
Gikalipay ni Brigadier General Allan D Hambala, 10ID Commander nga gipili sa tulo ka mga NPAs ang pagbalik sa sabakan sa gobyerno inay muikyas ug makigsangka pa sa mga kasundaluhan.
RadyoMaN Aimee Guinita
Facebook Comments
